As mulleres de reservistas rusos que foron chamados a filas no outono de 2022 empezaron a facer campaña polos seus maridos, para que sexan relevados das súas tarefas e substituídos por soldados profesionais.
As súas demandas foron bloqueadas na maioría de medios do país debido ao control que exerce sobre os mesmos o Kremlin. 27 persoas foron detidas, a maioría xornalistas.
Unha das mulleres afirma: “Queremos aos nosos maridos de volta vivos”. E engade que non necesitan ningún pago do goberno ruso, referíndose aos pagos que fai o mesmo ás familias cando un soldado falece.
Despois das ofrendas de flores, as mulleres marcharon cara ao cuartel xeral da campaña de Putin para presidente para apelar directamente.
A mobilización de 300.000 reservistas que Putin ordenou en 2022 debido aos contratempos militares en Ucraína foi moi impopular e provocou que centos de miles de rusos voasen ao estranxeiro para evitar ser chamados a filas.