39
Un veciño de Vimianzo de 19 anos foi multado con 1.440 euros a instancia do Xulgado de Instrución número 2 de Corcubión por saltarse o confinamento oito veces seguidas. O procesado foi interceptado por axentes da autoridade fóra do seu domicilio durante os días 22, 23, 24, 26 e 30 de marzo, coa alegación de estar «canso de estar na casa e que se aburría».
O home, que foi condenado como autor dun delito de desobediencia grave a axentes da autoridade, ignorou «sistematicamente» o disposto no Real Decreto do estado de alarma contra a pandemia do COVID-19 e incumpriu «inxustificadamente» as limitacións de circulación, segundo subliña a xuíza na sentenza.