Miles de opositores á nova autoestrada A69 Toulouse-Castres manifestáronse este sábado en Saïx, na rexión francesa do Tarn. A protesta coincide co Día Mundial da Terra, no que tiveron lugar outras moitas protestas similares, tanto en Francia como noutros países. Denuncian un proxecto que consideran contraditorio coa emerxencia climática e esixen «menos coches e menos alcatrán». A protesta contou con preto de 5.000 persoas, segundo os organizadores, percorrendo o que está previsto sexa o trazado da controvertida autoestrada. Os ecoloxistas aseguran que esta construción destruirá 2.500 árbores e hábitats húmidos circundantes. A protesta prevé repetirse, e o Goberno de Emmanuel Macron, obxectivo estes días de múltiples protestas a causa da aínda máis controvertida reforma das pensións, teme que se estableza unha «zona de defensa» durante a mesma. Foi convocada por organizacións como Soulèvements da Terre (Sublevacións da Terra).
27