Muxía | Aberto o prazo para preinscribirse nas actividades dirixidas do ximnasio municipal

• Destinadas a un público adulto, realizaranse os martes e xoves

Xa está aberto o prazo para preinscribirse nas actividades deportivas dirixidas que se realizarán os martes e xoves no ximnasio municipal de Muxía. Haberá catro actividades destinadas a público adulto: circuit training (de 20:00 a 20:45 horas), spinning (de 19:00 a 19:45 horas), GAP-glúteos, abdominais e perna- (de 21:00 a 21:45 horas) e actividades físicas para maiores de 65 anos ou con mobilidade reducida (de 10:30 a 11:15 horas).

As persoas interesadas poderán anotarse ata o próximo martes, 26 de outubro, chamando ao teléfono 618 895 265 ou enviando un correo a diego.castineira@muxia.es