A cita terá lugar no Camping Lago-Mar, está organizada pola asociación “Pa Feira co que Temos” , conta coa colaboración do Concello de Muxía e Horta Creativa, ademais de moitas empresas da contorna.
A xornada festiva e cultural contará con obradoiros de baile e danza tradicional, entre eles os das tres danzas brancas que aínda perduran neste concello, actuacións de máis dunha ducia de grupos musicais da contorna, o concerto de Lorelia e unha foliada libre como peche da xornada.
O evento, que estará presentado por Anjustias e José Manuel Mira, ofrecerá ademáis unha proposta de gastronomía tradicional a un prezo de 10€.
Tamén haberá distintos sorteos de xornadas gastronómicas en establecementos colaboradores.
Esta cita nace co obxectivo de dinamizar a cultura, o baile e a música tradicional viva na Costa da Morte ao longo de todo o ano, e non só en datas turísticas.
Programa de actividades
A xornada dará comezo ás 16:00 horas cun Obradoiro de baile e danza tradicional. A partir das 17:30 horas, a música tradicional tomará o escenario coa participación dun amplo abano de agrupacións e formacións:
- Xaramiños
- Abaladeiras
- Vaiche Boa
- Con Todo en Banda
- Mar Devalado
- Petaforte
- Nin Chica Nin Patacón
- Pedras Miúdas
- Trubisquiñas
- AV San Adrián de Toba
- AC Fonte Santa
- Sentenarios
- Abelleira
- Pa Feira co que Temos
Como peche da programación prevista, terá lugar o concerto de Lorelia, tras o cal se abrirá a foliada libre para que todas as persoas que así o desexen poidan sumarse a tocar, cantar e bailar ata o remate. O cartel anunciador foi ilustrado pola artista Viki Rivadulla.