- Dentro do plan atópanse obras de saneamento e abastecemento de agua por máis de 225.000 euros
O Concello de Muxía aprobou, na sesión plenaria extraordinaria deste mércores, o Plan Único grazas aos tres votos a favor do equipo de goberno. As demais formacións políticas abstivéronse no segundo punto, e houbo unanimidade no terceiro, referido ao POS Adicional.
Dentro do Plan Único atópanse investimentos no abastecemento e saneamento de auga por valor de 225.800 euros; o arranxo de vías e camiños, cun orzamento de 205.000 euros; unha partida de 127.000 euros irá ao ámbito de lecer e gasto corrente contará con 27.000 euros.
Entre outras obras, intervirase nas redes de saneamento e abastecemento de Morpeguite e Labexo; nas vías e camiños de Suxo, Garante, Calo, Senande, San Martiño e Merexo e tamén se mellorará a pista recreativa de Quintáns e o parque de Suxo.
Desde o grupo de goberno sinalan que “non entendemos a abstención do resto da corporación municipal, xa que na partida orzamentaria van incluídas melloras de auga e reparación de vías, intervencións moi necesarias e demandadas pola veciñanza de Muxía”.