O Concello de Muxía busca achegar a tecnoloxía a toda a veciñanza, especialmente á máis envellecida, a través dun taller básico de iniciación no uso práctico de móbiles.
Con esta actividade, realizada conxuntamente entre o Servizo de Asuntos Sociais e Cultura, preténdese que toda veciñanza poida aprender ou mellorar as súas habilidades no emprego das novas tecnoloxías, neste caso, o dos teléfonos móbiles.
A iniciativa, enmarcada dentro do programa Xuventude con talento, terá lugar o 19 de outubro, de 10:30 a 12:30 horas no Salón de Plenos da Casa do Concello. Todas as persoas interesadas en participar neste obradoiro formativo deberán inscribirse chamando ao Concello no 981 74 20 01. Ademais, é recomendable asistir co seu propio dispositivo móbil.