- Sucedeu despois da unha da madrugada do sábado para o domingo
Un coche saíuse da vía pasada a unha da madrugada do sábado ao domingo en Ozón, no municipio de Muxía. O incidente produciuse á altura do punto quilométrico 7,4 da estrada comarcal AC-440. O vehículo, que circulaba dirección Vimianzo, acabou colidindo cun poste da liña eléctrica. Afortunadamente, segundo sinalou Protección Civil da localidade, ninguén resultou ferido.
Ata o lugar do sinistro tamén se desprazaron a Garda Civil de tráfico e traballadores do servizo de Conservación de Estradas.