A vicepresidenta de Asuntos Económicos, Nadia Calviño, asegurou este xoves que sería «absurdo e contraproducente» abrir nestes momentos un debate sobre a reforma laboral e garantiu que calquera eventual modificación farase de maneira dialogada cos axentes sociais. «Coa realidade que temos sobre a mesa sería absurdo e contraproducente abrir un debate desta natureza e xerar a máis mínima inseguridade xurídica», dixo durante unha sesión en liña organizada polo Círculo de Economía sobre as consecuencias económicas, políticas e sociais da pandemia.
A vicepresidenta engadiu que «os contribuíntes nos pagan para resolver problemas e non para crealos». A responsable da política económica do Goberno abriu a porta para facer cambios no ámbito laboral, aínda que se comprometeu a que calquera modificación neste ámbito «se fará de maneira dialogada cos axentes sociais», seguindo unha «filosofía» que, subliñou, puxo en práctica nos últimos meses.
A ministra afirmou que, unha vez iniciado o control sanitario da pandemia, a prioridade do Goberno é recuperar a actividade económica e apoiar os traballadores.