O Ministerio para a Transición Ecolóxica e o Reto Demográfico abre unha terceira convocatoria do programa MOVES Frotas, dotada con 30 millóns de euros. As axudas buscan profundar na electrificación integral de grandes frotas de transporte compostas por vehículos lixeiros -de ciclomotores a furgonetas-, de empresas ou entidades do sector público. Como principal novidade, nesta terceira convocatoria redúcese o límite mínimo de vehículos que debe adquirir o beneficiario para optar ás axudas desde as 25 ás 10 unidades, manténdose o límite máximo en 500 vehículos e a condición de que operen en máis dunha comunidade autónoma.
Con cargo ao Plan de Recuperación, Transformación e Resiliencia, o programa está xestionado polo Instituto para a Diversificación e o Aforro da Enerxía, organismo adscrito ao Ministerio para a Transición Ecolóxica e o Reto Demográfico, que outorga as axudas en réxime de concorrencia competitiva.