O festival de música compostelán «Feito a man» sobrevive á pandemia e comeza unha nova edición. Con formato reducido, medidas de seguridade e bandas principalmente galegas, o máis variado da música resiste en Santiago para seguir sendo sinal de identidade do verán compostelán. Obríganos a estar sentados, separados, enmascarados. A pandemia mudou espazos, as máis das rúas, prazas e terrazas deixaron paso a un palco único: o cemiterio do parque de Bonaval. De aquí ao sábado haberá rock, funk, jazz, ou folk neste tan especial Feito a Man.