A contorna da presidenta madrileña dá credibilidade ás informacións de varios medios que aseguran que altos cargos da dirección nacional do partido tentaron levar a cabo unha investigación contra Ayuso e a súa contorna familiar mediante a contratación de detectives privados. Segundo avanzou o diario El Confidencial, as investigacións serían realizadas durante varios meses desde o propio partido, concretamente para obter información sobre o irmán da presidenta en relación cos contratos sanitarios adxudicados pola Comunidad de Madrid. Esta investigación encargouse desde a Empresa Municipal de Vivenda (EMV). Un dos principais implicados nesta operación para derrubar á dirixente popular sería Ángel Carromero, que ocupa o cargo de director xeral de Coordinación do alcalde de Madrid, José Luis Martínez-Almeida, pero é un dos colaboradores de maior confianza de Pablo Casado e Teodoro García Egea.
37