- Ademais de escoitar a radio en directo, agora podes ver a radio por dentro con alta calidade de imaxe.
Novahit segue apostando pola emisión de programación de radio en directo con 8 horas ao día de contido de proximidade baseado en música, información e interactividade coa audiencia. Esta semana puxo en marcha un novo sistema combinado de audio e vídeo simultáneo que retransmite pola súa páxina web a través da ligazón https://novahit.net/ . Ademais desde este xoves ás 9 da noite faranse conexións en directo de streaming con diferentes puntos de España cos djs máis importantes do país. O motivo puntual destas conexións é a contribución ao entretemento da cidadanía que por causa de forza maior atópase confinada en casa, sen poder acudir a bares, discotecas, concertos, verbenas etc… Xornalistas, técnicos, djs e demais persoal non paran, traballan a quendas non coincidentes e con todas as medidas de seguridade que impón o estado de alarma decretado por mor da pandemia de coronavirus, pero con máis actividade que nunca.