Novas concentracións nos centros de saúde ante a ‘crítica’ situación da atención primaria

• Serán os xoves ás 12 e ás 18 horas

A Comisión de Centro de Atención Primaria da área sanitaria da Coruña e Cee convocou novas concentracións nos centros de saúde en protesta pola ‘crítica’ situación que atravesa a atención primaria en Galicia.

Estas xuntanzas realizaranse os xoves ás 12:00 e ás 18:00 horas. Persoal do centro de saúde de Carballo sumarase na xornada de mañá á convocatoria, segundo afirma un dos traballadores do mesmo, Xoán M. Sande.