O Goberno vai aprobar antes do 2 de agosto un decreto lei de axudas ao transporte. As medidas foron acordadas co sector e recollen basicamente a súa petición de non traballar a perdas. Son subvencións directas que se darán por número e tipo de vehículo. A novidade respecto ás anteriores de marzo é que desta volta entran tamén os autobuses urbanos. O Goberno afirma que con isto pretende corrixir as asimetrías no sector do transporte e garantir a súa sostibilidade.