Con motivo do Día da Independencia de Ucraína, o aínda primeiro ministro de Reino Unido, Boris Johnson, reuníase por sorpresa co presidente Volodímir Zelenski para anunciarlle, en persoa, un novo paquete de axuda valorado en 64 millóns de euros. A doazón inclúe ata 2.000 drons e mísiles de seguimento. Ucraína, apostaba Johnson a través de Twitter, «pode e debe gañar a súa guerra con Rusia». Ademais, o presidente de Estados Unidos, Joe Biden, anunciaba este mércores un novo paquete de case 3.000 millóns de dólares para Ucraína, o que eleva a máis de 13.500 millóns a cantidade que ata o de agora deu Washington a Kiev desde que comezase a guerra. O presidente estadounidense lembraba á súa vez que esta axuda permitirá a Ucraína adquirir novos sistemas de defensa aérea, artillería e municións, sistemas de defensa antiaérea e radares para continuar coa súa defensa a longo prazo.
32