32
Pouco despois das oito da tarde deste martes, declarouse un incendio no lugar de Leas, en Cabana de Bergantiños. O lume destruía un alboio completamente illado. Resultaron calcinados os vehículos que se gardaban dentro, un todoterreno e un pequeno tractor, leña e pereceu un can. A extinción da pila de leña foi moi laboriosa debido á gran cantidade que había. A estrutura do galpón así como a cuberta tamén resultaron afectadas polo lume. No operativo estiveron traballando os Bombeiros de Carballo e os membros do GES de Ponteceso, alertados polos xestores do 112 Galicia. Tamén participaron os axentes da Garda Civil.