Os feitos prodúcense por mor da denuncia dunha persoa no Posto Principal de Lebrija (Sevilla). Ambas as partes acordaran a compra-venda dun tractor por valor de 55.055 €, o método de pago faríase mediante transferencia bancaria, unha vez que o vendedor recibise a mesma, enviaría o tractor á dirección indicada dos compradores.
Ao día seguinte da operación o vendedor recibe chamada telefónica da nai do comprador comunicándolle que realizara a transferencia enviándolle vía app de mensaxería a imaxe da mesma, polo que o vendedor preparou o tractor para ser enviado aos novos propietarios. Resultando ser falsa dita operación.
A Garda Civil de Carballo procedeu a realizar as xestións oportunas para dar co vehículo, chegando a localizalo na localidade de Bembibre- Val do Dubra portando unha máquina tronzadora de leña e exhibindo unha placa de matrícula que non correspondía co vehículo. Unha vez localizado o posuidor, a Garda Civil comisou o vehículo, a máquina tronzadora de leña e a placa da matrícula que portaba.
Os efectivos actuantes procederon á detención do posuidor do tractor e á nai do mesmo como supostos autores dun delito de estafa na compra do vehículo e investigaron ao home como presunto autor dun delito de falsidade documental ao ter instalada no tractor recuperado unha placa de matrícula correspondente a outro vehículo da súa propiedade. Os detidos, xunto coas actuacións realizadas e os efectos incautados, foron postos ao dispor do Xulgado de Instrución de garda de Carballo.