41
A perda de combustible procedente dos depósitos dun tráiler de transporte de paquetería obrigou esta madrugada a interromper o tráfico nun carril de circulación da A-6 á altura do punto quilométrico 567 sentido Coruña, ao seu paso por Betanzos.
O camión tras saírse da vía envorcou e parte do combustible derramouse pola estrada, polo que foi necesario que os Bombeiros empregaran materiais absorbentes para conter a vertedura. O resto de combustible foi transvasado a distintos bidóns e recollido nun camión cisterna.
Segundo informaron os Bombeiros de Betanzos e os axentes de Tráfico, afortunadamente, o condutor resultou ileso.