O director de Turismo de Galicia, Xosé Merelles, mantivo unha reunión co alcalde de Laxe, Francisco Charlín, con quen analizou distintas liñas de colaboración para a posta en valor dos recursos turísticos locais. En concreto, o rexedor de Laxe trasladoulle o proxecto no que están a traballar que consiste para a rehabilitación do Muiño de Vento así como distintas iniciativas de turismo activo para desenvolver no próximo verán.
O director de Turismo de Galicia eloxiou a proxección turística da Costa da Morte que engade identidade ao destino e destacou o traballo e a implicación dos gobernos locais, en concreto, o de Laxe, no impulso turístico da zona, que se ratifica tamén coa colaboración das entidades empresarias e a veciñanza.