- Trátase, concretamente, dos camiños de Raxeira a Tremoa, o de Leduzo e o de Filgueiras a Loroxo
O alcalde de Malpica, Walter Pardo, acudiu esta semana á supervisión das obras de mellora na capa de rodadura en varios camiños con motivo do inicio dos traballos.
Concretamente, intervirase nos camiños de Raxeira a Tremoa, no de Leduzo e no de Filgueiras a Loroxo, situados nas parroquias de Leiloio, Cambre e Cerqueda.
As obras, que contarán cun orzamento de 154.634,31 euros, consistirán na limpeza de cunetas, no bacheo do firme asfáltico e no pintado das marcas viais correspondentes. Ademais analizaranse as intervencións nas arquetas, tapas e sumidoiros.