O alcalde de Pontedeume candidato a presidir o PSdeG provincial

O alcalde de Pontedeume e portavoz do PSOE na Deputación da Coruña, Bernardo Fernández, presenta este martes, 28 de decembro, a súa precandidatura á secretaría provincial do PSdeG-PSOE na Coruña. Home moi próximo a Valentín González Formoso, secretario xeral do PSdeG, o rexedor eumés pretende agora levar as rendas do Partido Socialista na provincia da Coruña. Fernández postúlase ás primarias a condición de que exista algunha outra candidatura, xa que pola contra sería nomeado sen ter que celebrarse as votacións.