O ataque con coitelo perpetrado este venres nun céntrico hotel de Glasgow, no que resultaron feridas seis persoas, non está relacionado co terrorismo, informou a Policía de Escocia. O suceso foi avaliado polo departamento antiterrorista da Policía de Londres e determinouse que non presenta estas características, polo que as pescudas seguirán en mans das forzas de seguridade de Escocia. O atacante, que acoitelou a varias persoas, morreu tras ser abatido pola policía, e outras seis persoas son tratadas no hospital, segundo informaron as autoridades policiais, que confirmaron que non buscan a ninguén máis en relación a este suceso. O hotel, pechado ao público durante estes meses, estaba a ser utilizado como aloxamento temporal para solicitantes de asilo.
46