O atleta ceense do club de atletismo Coruña Comarca brillou no Campionato de España Sub 23 disputado na cidade de Sevilla, subindo ao podio para recibir a medalla de prata. Deste modo cumpriu coas expectativas, tendo en conta as rigurosidades desta atípica tempada provocadas pola crise sanitaria do COVID19, posto que se presentaba ao campionato coa terceira mellor marca dos participantes. Este logro serviralle ao xoven atleta de 19 anos de estímulo para seguir adestrando, despois dunha longa tempada chea de continxencias. Na final, ademais, non estivo só. Ao seu lado, o seu compañeiro no grupo de José Carlos Tuñas Lucas Fernández Eiroa, que logrou a sétima praza. María Ezquerro, do Sada, ía ser a outra representante coruñesa do Nacional na final de lanzamento de disco, pero finalmente causou baixa e non tomou parte na proba.