Un home permanece detido nas dependencias policiais de Nantes en relación co incendio que causou importantes danos na catedral gótica da cidade e que se sospeita foi provocado. O fiscal de Nantes, Pierre Sennès, que abriu unha investigación por “incendio voluntario”, confirmou o arresto, pero á vez pediu prudencia e non sacar conclusións “precipitadas”.
Aínda que continúa investigándose a pista criminal, tampouco se descarta a accidentalidade.
O arrestado é un home de 39 anos de orixe ruandesa “que se refuxiou en Francia hai algúns anos”, explicou pola súa banda o reitor da catedral, Hubert Champenois. O home oficia como sancristán e tamén estaba encargado de pechar a catedral San Pedro e San Pablo a noite do venres.
O home foi detido cando os bombeiros seguían apagando os últimos focos do incendio que provocou a destrución do órgano barroco do templo e que tamén sufriu outros importantes danos.