O Banco Central Europeo (BCE) acordou multar con 3,145 millóns de euros a Abanca por non informar nos prazos establecidos de que sufrira un ciberataque, segundo informou a autoridade supervisora nun comunicado este venres. De acordo coas normas do BCE, os bancos deben informar dos ciberataques nun prazo máximo de dúas horas após ter coñecemento de que se produciron. En concreto, Abanca foi obxectivo dun ciberataque aos seus sistemas informáticos en febreiro de 2019 o que provocou que se infectasen cun ‘software’ malicioso. En resposta, Abanca suspendeu todos os servizos bancarios de Internet e móbil, así como os servizos en caixeiros e os servizos de pagos vía Swift. Abanca tivo coñecemento deste incidente o 26 de febreiro de 2019, pero non remitiu o informe do incidente ata que pasaron 46 horas da data límite. A entidade española ten a opción de recorrer esta sanción ante o Tribunal de Xustiza da Unión Europea.
33