O Bergantiños FC desprazábase este domingo á Mariña lucense para comezar o seu roteiro pola Terceira Federación, con vistas a pelexar polo ascenso a final de tempada. Arturo tivo a primeira ocasión para un Viveiro que entrou mellor no terreo de xogo e a por todas. A medida que avanzou a primeira parte o Bergantiños foise penetrando no campo contrario a través de fútbol directo e dominio das caídas a banda e dos centros laterais. Antes de esto, sinalouse un penalti considerado como inexistente polo locais pero Ayoub foi capaz de evitar que a pena máxima traducísese en gol visitante. O primeiro tanto do partido chegaría no minuto 18 tras un centro a segundo pau de Álex Ramos que rematou Pedrosa, 0-1, un Pedrosa que sería baixa por lesión minutos máis tarde. Un gol en propia porta de Mario Musy non embazou a tarde para o Bergantiños, que lograba antepoñerse de novo no marcador cunha pena máxima executada por Álex Ramos, o que sería o definitivo 1-2. O Viveiro tivo achegamentos como para empatar. Ignacio, Diego Núñez e Manu foron os principais protagonistas das devanditas ocasións, pero as paradas de Santi Canedo darían o triunfo ao Bergantiños nun partido moi igualado.
Táboas do Paiosaco
O Paiosaco non puido pasar do empate no seu arranque de tempada en Terceira, no seu feudo contra o Alondras 1-1.