O BNG de Ponteceso lamenta que o goberno municipal siga sendo ‘un goberno paralizado’

1 minutes read

O BNG de Ponteceso lamenta que o goberno muncipal só levara ao primeiro pleno ordinario asuntos de trámite demostrando que seguen sendo un goberno paralizado e que actúa sen diálogo.

Fátima Rodríguez Gonzálvez, voceira municipal do BNG, lamenta que o goberno do PP tentara impedir que se falara dos traballos chamados de “limpeza de ríos” no pleno, pensa que así o goberno municipal opta polas políticas de feitos consumados, toda vez que os traballos avanzan e non se lle entrega información ao respecto solicitada desde o 4 de decembro.

No último pleno ordinario o BNG presentou tres mocións: resolver os problemas de contaminación acústica, elaborar un Plan de Actuación Municipal ante as inundacións; e unha terceira, que non puido debatirse por non considerarse urxente pola maioría dos grupos, foi a de esclarecer sobre a existencia dos permisos pertinentes para os traballos chamados de “limpeza de ríos”. As dúas primeiras foron aprobadas por unanimidade dos partidos presentes (BNG, APIN, PSOE, AxP e PP) e a terceira non chegou debatirse pois non foi considerada urxente pola maioría do pleno ao non apoiar este extremo nin PP nin AxP.

Estás seguro de que quieres desbloquear este artículo?
Desbloquear izquierda : 0
Estás seguro de que quieres cancelar la suscripción?