A portavoz nacional do BNG, Ana Pontón, denunciou en Moaña os recortes na sanidade pública, que afectan á práctica totalidade dos centros de saúde e ó conxunto da cidadanía, e afirmou que “tras trece anos de Executivo popular, Feijóo despídese de Galiza declarando con total desfachatez que a atención primaria está colapsada como se non fose consecuencia dos recortes do Goberno do PP”.
Pontón anunciou que o BNG vai levar ó debate de investidura «un plan de choque de reforzo da atención primaria de 200 millóns de euros, a ampliación da carteira de servizos como psicoloxía o fisioterapia nos centros de saúde e que se convoquen todas as prazas vacantes do Sergas”, destacou. Igualmente, o Bloque vai defender que se recuperen as xerencias de atención primaria, con recursos e con capacidade de decisión.