O BNG presentou un un proxecto de rexeneración das rías galegas para optar aos fondos europeos. A voceira nacional, Ana Pontón, explicou que a proposta quere recuperar un ecosistema único con varias medidas, como ambientais, de investigación e comercialización dos produtos. O proxecto tería un investimento de 1.096 millóns de euros que serían financiados cos fondos de recuperación europeos. Pontón dixo que a iniciativa responde aos criterios que esixe Europa, e beneficiaría un sector estratéxico para Galicia. “O obxectivo é conseguir a recuperación ambiental integral e produtiva das rías para crear riqueza e emprego de calidade no complexo mar-industria. Todo acompañado da investigación científica oportuna e da transformación, dixitalización e comercialización da actividade marisqueira, e desde a colaboración público-privada”, explicou Pontón.
31