O deputado do BNG no Congreso, Nestor Rego, reclamou este sábado en Corcubión a transferencia a Galicia da xestión do Instituto Social da Marina (ISM) porque según Rego, «non ten sentido que tendo as competencias en Sanidade e Mar» este servizo esté en mans da Administración do Estado.
Nestor Rego reuniuse na vila de San Marcos co patrón maior da localidade e os seus homólogos no resto da Costa da Morte (Muxía, O Pindo, Malpica, Fisterra, Camelle, Corme, Lira e Corcubión). No encontro mostrou o seu apoio á reclamación de que se manteña o servizo médico do ISM de Corcubión, inactivo nestos momentos pola baixa dun facultativo.
O parlamentario nacionalista fixo fincapé na reclamación desta baixa «para previr que este sexa o preludio» da desaparición do servizo en Corcubión, o que obrigaría aos traballadores do mar da Costa da Morte a desprazarse a Noia ou A Coruña para os seus recoñecementos médicos.