A Secretaría Xeral da Federación Española de Baloncesto comunicou á Escola Basket Xiria, que unha vez revisada a documentación presentada para a inscrición do Calvo Basket Xiria e comprobado por parte da Comisión Delegada que se cumpriron tódolos requisitos esixidos polo Regulamento Xeral e de Competicións, informase que o citado equipo queda inscrito na LIGA EBA CONFERENCIA «A» para a tempada 2023/2024. Esta categoría estará formada por 28 equipos, divididos en 2 subgrupos (A e B), sendo o “Grupo B” asignado ao Calvo Basket Xiria e resto de equipos galegos (Obradoiro Ames, CB Chantada, CB Marín Peixegalego, Bosco Ourense, Estudiantes Lugo e CB Culleredo -estes dous últimos recen ascendidos-), que previsiblemente estará composta por equipos de Asturias e Castela León. A competición comezará o primeiro fin de semana de Outubro, sendo a primeira xornada o 01/10/2023.