O Calvo Xiria xogará esta semana en Canarias

O partido será o sábado ás 21:00 horas no pavillón Juan Vega Mateos de Las Palmas. O rival do Calvo Xiria será o Galdar Gran Canaria. Un equipo con ritmo alto nas transicións que obrigará ao conxunto carballés a estar centrado no balance defensivo; e onde o ataque posicional, cobrará importancia á hora de mover o balón de forma eficaz, con pases curtos, respondendo o xogador lindeiro.
Viaxarán un total de 14 xogadores; polo que faltarán dous efectivos da convocatoria habitual.