- Segundo os datos do CIS, as tres forzas principais de dereitas non sumarían votos suficientes para gobernar
O Barómetro de Opinión do Centro de Investigacións Sociolóxicas (CIS) correspondente ao mes de xuño dalle a vitoria ao PSOE cun 39,5% de votos. O segundo partido gañador sería Ciudadanos, que superaría así ao PP.
A formación laranxa obtería unha intención de voto do 15,8%, superando así o 13,7% do Partido Popular. Pola súa banda, Unidas Podemos rexistraría a súa peor baixada, que se enmarcaría nun 12,7%, mentres que Vox obtería o 5,1%, é dicir, a metade que nas eleccións xerais.
Esta enquisa foi realizada despois das eleccións autonómicas e municipais, mentres aínda se estaban formando os gobernos. Segundo os datos do CIS, as tres forzas principais de dereitas non sumarían votos suficientes para gobernar.