40
O hospital Clínic de Barcelona foi vítima este domingo dun ciberataque, que obrigou a derivar os novos ingresos a outros hospitais da cidade. A Generalitat informou deste ataque pouco despois das once da mañá, aínda que o sistema informático do hospital xa comezara dar problemas o sábado pola noite. Os servizos afectados son os de laboratorio, farmacia e urxencias. O ataque é de tipo ransomware, é dicir, que esixe un rescate a cambio de devolver o acceso ao sistema.