O comité que investiga o asalto ao Capitolio do 6 de xaneiro de 2021 confirmou que recomenda imputar ao expresidente Donald Trump por catro cargos penais, entre eles conspiración e incitación á insurrección.
As declaracións producíronse na última audiencia pública do comité, que publicará as súas conclusións este mércores. As recomendacións sobre posibles imputacións son simbólicas porque o comité non ten potestade para imputar e o Departamento de Xustiza leva a cabo a súa propia investigación sobre o ocorrido.
O 6 de xaneiro de 2021, ao redor de 10.000 persoas, a maioría delas seguidores de Trump, manifestáronse fronte ao Capitolio e preto de 800 irromperon no edificio mentres se ratificaba a vitoria do demócrata Joe Biden. Os disturbios provocaron 5 mortos e uns 140 axentes resultaron feridos. O comité examinou desde fai máis dun ano estes feitos.