O Concello da Baña organiza os Obradoiros de Entroido do 12 ao 14 de febreiro

1 minutes read

O Concello da Baña, a través da Concellería de Acción social, cultura e servizo sociais, organiza entre os días 12 e 14 de febreiro os Obradoiros de Entroido co obxectivo de facilitar a conciliación das familias durante estas festas.

As nenas e os nenos da Baña escolarizados ata os 13 anos poderán gozar de diferentes actividades de carácter gratuíto que se desenvolverán na Axencia de Lectura, situada na Casa da Cultura, en horario de 8.00 a 14.00 horas.

As manualidades coa temática do Entroido, as confeccións de máscaras e os diversos xogos, entre outras actividades, formarán parte da rutina durante estas tres xornadas.

As persoas interesadas en participar poderán inscribirse, de balde, ata o mércores 7 de febreiro. Poderase reservar praza chamando ao 981 81 76 05 ou enviando unha mensaxe ao 629 15 40 51.

Estás seguro de que quieres desbloquear este artículo?
Desbloquear izquierda : 0
Estás seguro de que quieres cancelar la suscripción?