30
O Concello da Laracha activou un plan específico de mantemento das estradas municipais ante as baixas temperaturas. Operarios municipais e traballadores dunha empresa especializada estenderon sal naquelas zonas máis propensas á formación de placas de xeo, facendo especial fincapé nas estradas situadas en zonas de interior, aquelas que presentan pendente e tamén nas rutas de transporte escolar.