- A través dos servizos sociais municipais, serán repartidos entre persoas e familias en situación de vulnerabilidade.
A empresa larachesa de distribución de productos agrícolas Cultiagro-Seragra realizou unha doazón ao Concello de seiscentos quilogramos de patacas que serán repartidas entre as familias do termo municipal con escasos recursos económicos.
Do mesmo xeito, o Concello tamén recibiu doazóns de alimentos por parte dos comedores do CEIP Otero Pedrayo e da escola infantil A Galiña Azul, nos que a actividade está interrompida desde a entrada en vigor do estado de alarma.
A distribución de ditos alimentos será a cargo dos servizos sociais municipais. O Concello agradece estas doazóns que contribúen a continuar prestando axuda alimentaria a persoas que se atopan en situación de vulnerabilidade.