O Concello de Cabana de Bergantiños presentou este xoves a programación do ‘Baile de maiores’ con actividade de xaneiro a marzo, unha iniciativa con grande éxito de asistencia durante todo o ano.
A primeira sesión será este domingo, 11 de xaneiro, ás 19:00 horas con Rocío Pérez, no Centro de Maiores da nosa localidade. O domingo 25 de xaneiro será co Dúo Élite; o domingo 8 de febreiro, con Mar de Caión; o domingo 22 de febreiro, amenizará a velada Judith Cundíns. O 8 de marzo, Martín Carrión e o 22 de marzo, novamente Rocío Pérez. Todas serán en domingo ás 19:00 horas da tarde con acceso libre.
Desde o Concello de Cabana de Bergantiños convidan á veciñanza a acudir “a esta programación, que sempre conta cun gran número de asistentes e que o obxectivo que persegue é promover a socialización entre os nosos maiores”.