- A empresa non contaba nin cos permisos nin coas licenzas requiridas
Este pasado xoves a empresa Bunny comezou a operar na cidade da Coruña e un día despois foron multados, xa que ao parecer non contaban coas licenzas requiridas.
Moitos coruñeses sorprendéronse ao atoparse con diversos patinetes eléctricos nalgúns puntos da cidade, entre eles os destinados a aparcabicis baixo titularidade municipal. A responsable destas aparicións é a empresa Bunny, unha compañía madrileña que aluga patinetes eléctricos a través de códigos QR.
Bunny comezou a operar este xoves 12 aínda que non contaba nin cos permisos pertinentes nin con licenza (hai un baleiro legal nestes casos), polo que o Concello puxo en marcha a multa.
En Vigo tamén pasou algo similar, e é que aínda non hai ningún municipio galego que conte con algunha normativa sobre o aluguer de patinetes eléctricos.