- «Cociñando relacións» é un programa de sensibilización e autocrítica sobre a igualdade
O Concello de Muxía, a través da Concellería de Igualdade e o Centro de Información á Muller, puxo en marcha ‘Cociñando relacións’, un programa no que se busca sensibilizar e concienciar sobre a igualdade entre homes e mulleres, fomentando a autocrítica e a reflexión persoal.
Este proxecto, con cargo aos fondos procedentes do Pacto de Estado contra a Violencia de Xénero, pretende incidir en toda a cidadanía en tres grandes liñas: ‘Entre fogóns falamos de relacións’, destinado aos homes; ‘Receitas de sororidade’, destinado ás mulleres e ‘Petiscos de Botrato’, destinado á mocidade.
A concelleira de Igualdade, Olalla Benlloch, sinala que este proxecto está pensando para «previr posibles situacións de violencia de xénero» grazas á educación, polo que «levar este tipo de actividades a distintos espazos é indispensable se queremos acadar unha sociedade igualitaria”.