- O alcalde de Oleiros, Ángel García Seoane, pretender reunirse con Feijóo para aclarar esta grave situación
Segundo un comunicado do propio concello, a Xunta de Galicia aínda non lle ingresou a cantidade de 110.000 euros que estaban estipulados no convenio asinado para a adquisición do centro social situado na Lagoa de Mera.
Ante a infrautilización da Casa do Mar de Mera, o Concello solicitoulle á Xunta de Galicia en varias ocasións que se lle cedera ás entidades da localidade para que o puideran utilizar os veciños, tal e como facían antes das obras de reforma para crear un centro de día que nunca chegou a funcionar. Finalmente, a Xunta optou por asinar un convenio co Concello para cofinanciar con 110.000 euros a adquisición dun novo centro social.
Más de dous anos despois da sinatura, a Xunta aínda non lle pagou ao Concello de Oleiros ese diñeiro. “Vou solicitar unha entrevista co presidente da Xunta de Galicia porque paréceme moi grave o que está pasando”, dixo o alcalde Ángel García Seoane.