O rexedor sinalou que a varanda do malecón pertence a Costas, que xa foi avisada da necesidade do cambio
O Concello de Ponteceso continúa mellorando as súas infraestruturas intentando dar resposta ás peticións realizadas pola veciñanza. Nestes últimos días quedaron instaladas novas varandas en Corme-Porto (no tramo de subida á Agra de Rodríguez) e na rúa Santander.
Tamén se colocaron elementos de seguridade á veira do río do Petón, en Tella. En concreto renovouse a varanda e creáronse unhas novas escaleiras que darán máis seguridade aos transeúntes. No percorrido de Matigueira a Currás instalouse un pasamáns.
O rexedor, Lois García Carballido, móstrase contento co resultado e lembra que a varanda que se atopa preto do malecón pertence a Costas do Estado, entidade que «xa fora avisada para que a cambien».
