O alcalde de Santiago, Xosé Sánchez Bugallo, recibiu este luns o decano da Facultade de Medicina e Odontoloxía, Julián Álvarez Escudero, para dialogar sobre o papel da Facultade de Medicina no casco histórico de Compostela e sobre futuras colaboracións.
En particular, segundo anunciou o alcalde, o Concello vai colaborar coa Facultade de Odontoloxía nun programa que permitirá o acceso á saúde bucodental de persoas sen recursos. Esta iniciativa estará incluída nos orzamentos de 2020.