En horario de 17:00 a 19:00 horas, ‘O noso Samaín’, será un obradoiro para a rapazada en idades de entre 5 e 10 anos e que acollerá a Biblioteca Municipal da Casa da Cultura.
Haberá dispoñibles un total de 20 prazas e a inscrición poderá formalizarse na Casa da Cultura do 21 ao 27 de outubro, en horario de 9:00 a 14:00 horas. Para máis información, as persoas interesadas poden chamar ao teléfono 981 717 288.
Trátase dunha actividade para que as nenas e nenos coñezan a historia e a orixe do Samaín a través da lectura, complementada con actividades de manualidades. Unha xornada de animación á lectura e ás tradicións.