O Concello de Vimianzo promoveu para esta primeira semana de outubro unha viaxe á Costa Brava destinada á terceira idade, para a veciñanza maior de 55 anos.
Desde o 30 de setembro e ata o vindeiro 7 de outubro as 83 persoas participantes estarán coñecendo e desfrutando dalgúns dos lugares máis característicos da zona.
Este mércores, 1 de outubro, coñeceron Girona e este xoves, día 2, visitaron Barcelona. Besalú, o castelo de Púbol e Blanes son algunhas das paradas para os vindeiros días.