O Concello de Zas retoma a súa actividade cultural

O Concello de Zas, a través do seu departamento de Cultura, retoma a actividade cultural que se interrompiu no pasado mes de xaneiro debido a que a comunidade entrou nun nivel máximo de restrición provocada pola Covid-19. Na programación cultural prevista para o próximo mes de marzo os protagonista volverán ser os máis novos da casa aínda que tamén hai espectáculos dirixidos ao público adulto. En todos os eventos seguiranse as normas de hixiene e seguridade vixentes polo que o aforo estará limitado. Por este motivo é necesario reservar as entradas prevamente a través do número 981 751 398 (Centro Sociocultural de Zas) de luns a venres en horario de 9:00 a 14:00 horas. Lembrade que é obrigatorio o uso de máscara.