O Congreso aprobou definitivamente a reforma da lei do aborto e a lei trans con 185 votos a favor, 154 en contra e 3 abstencións, polo que quedaron listas para publicarse no Boletín Oficial do Estado (BOE) e entrar en vigor. A ministra de Igualdade, Irene Montero, sostivo na tribuna que esta votación non supón o punto final. “Son consciente de que o camiño non acaba aquí”, manifestou sobre a lei trans.“Vai haber resistencias á aplicación desta lei, como as ten habido con todas as leis feministas”, concluíu. Montero, envolveuse este mediodía na bandeira trans para celebrar a aprobación definitiva no Congreso da lei e da nova reforma da do aborto. Foi ás portas do Congreso, nada máis ser aprobadas ambas as leis. Na boneca leva enrolado o pano que simboliza a loita polo dereito ao aborto libre.