A Mesa do Congreso, presidida pola socialista Meritxell Batet, suspendeu dos seus cargos aos catro deputados cataláns en prisión preventiva.
Batet anunciou a adopción desta medida, adoptada en consonancia cun informe encargado dos letrados da cámara baixa que avalaba suspender os presos Oriol Junqueras, Josep Rull, Jordi Turull e Jordi Sànchez, en aplicación do artigo 384 bis da Lei de axuizamento criminal.
A decisión non foi unánime, pois os dous representantes de Unidas Podemos manifestáronse en contra alegando que se precisaba de máis tempo para estudar esta resolución. Pola contra, PP e Ciudadanos defenderon a suspensión dende o primeiro momento.
Agora a Mesa do Congreso deberá determinar o número de membros de dereito da Cámara que quedan mentres dure esta suspensión, que poderían pasar de 350 a 346, algo que sen dúbida afectará no cómputo final da votación para a investidura.